जनैपूर्णिमाको अवसरमा सानागाउँ सिद्धिपुरमा सांस्कृतिक साँझ २०७० आयोजना
सिद्धिपुर सांस्कृतिक साँझमा एकसाथ ६० मादल वादन आगामी भदौ ५ गते जनैपूर्णिमाको अवसरमा सानागाउँमा सिद्धिपुर सांस्कृतिक साँझ २०७० आयोजना गर्ने भएको छ। नेपालसमाचार पत्र सिद्धिपुरको द प्रिज्म ग्रुप र अनलाइन पत्रिका थसिदे डट कमले आगामी भदौ ५ गते जनैपूर्णिमाको अवसरमा सानागाउँमा सिद्धिपुर सांस्कृतिक साँझ २०७० आयोजना गर्ने भएको छ। सिद्धिपुरको छो यलाबजी खाँदै सांस्कृतिक कार्यक्रममा सहभागी हुन सबैलाई आग्रह गर्दै आयोजकले सबै दर्शक तथा श्रोतालाई निःशुल्क प्रवेशको व्यवस्था गरेको बताएका छन्। सिद्धिपुर, ललितपुरको ग्वार्काे चोकबाट ३ किलोमिटर पूर्वमा पर्छ। सिद्धिपुरको पहिचानको रूपमा रहेको परम्परागत नेवारी सम्पदा, संस्कृति तथा रीतिरिवाजको संरक्षण र प्रवद्र्धन गर्दै त्यसलाई वर्तमान युवा पिँढीमा हस्तान्तरण गर्न सघाउने उद्देश्यले सो मनोरञ्जनात्मक कार्यक्रम आयोजना गर्न लागिएको कार्यक्रमका संयोजक तथा फोटोग्राफर रवीन्द्र महर्जनले बताएका छन्। पहिलोपल्ट आयोजना गर्न लागिएको सांस्कृतिक साँझमा विगत ३६ वर्षदेखि राष्ट्रिय र अन्तर्राष्ट्रिय जगतमा आफ्नो कला प्रदर्शन ...