थसि, सानागाउँ अथात् सिद्धिपर ः भाग १

थसि, सानागाउँ अथात् सिद्धिपर ः भाग १

      भागालिक बनाटका आधारमा नेपाललाई पाँच विकास क्षेत्र, १४ अञ्चल, ७५ जिल्लामा छुट्याइएको छ । मध्य पश्चिमाञ्चल विकास क्षेत्र काठमाडौं उपत्यकाका तीन जिल्ला मध्ये ललितपुर दोस्रो महत्वपूर्ण जिल्ला हो । यस जिल्ला अन्तर्गतका ४१ गा.वि.स. मध्ये चक्रपथबाट करीब ३.२ कि. मी. पूर्व र काठमाडौंबाट करीब ७ कि.मी. दूरीमा रहेको पुरानो बस्ती अर्थात् उपत्यकाभित्र कमै मात्रामा मौलिकता  बिथोलिएको, वरिपरी गाउँ नै गाउँले घेरिएको, बीचमा शान्त र स्वच्छ वातावरणमा अवस्थित गुच्च–मुच्च परेको यो गाउँ थुप्रै रंगहरु समेट्दै  पुराना र नयाँ इँटाको रातो–सेतोपना अनि गगनलाई छुन खोज्ने नयाँ–नयाँ पिलरका खम्बाहरु, दूर्लभ हुँदै गइरहेका हुक्का साथै खैरो र सेतो छ्याङ अनि ‘ला छकू वयेक समय्बजि’ जस्ता सांस्कृतिक परम्पराको प्राचीन ऐतिहासिक गाउँ हो– थसि, सानागाउँ अर्थात् सिद्धिपुर । धर्म, भाषा, भेषभूषा, संस्कृति, चाडपर्व, रीतिरिवाजमा धनी गाउँ हो– थसि । यस गा.वि.स.को पूर्वमा लुभु, पश्चिममा इमाडोल, उत्तरमा टिकाथली र दक्षिणमा हरिसिद्धि, ठैव, गोदामचौर गा.वि.स.हरु रहेको छ भने समुद्र सतहबाट लगभग १३७२ मी. उचाईमा अवस्थित छ यो । कुल क्षेत्रफल ४७८६ रोपनी रहेकोे थसि, जसलाई ९ वटा वडामा विभाजन गरिएको छ भने आर्थिक वर्ष २०६३ को सिद्धिपुर खानेपानी तथा सरसफाई उपभोक्ता संस्थाद्वारा प्रस्तुत तथ्यांक अनुसार यस गा.वि.स.को जनसंख्या ६०६४ जना छन् । जसमा पुरुष ३०९९ जना र महिला २९६५ जना छन् भने जसमा घर संख्या १०३५ र परिवार संख्या १३०८ छन् । यस गा.वि.स.लाई विशेष गरी पराले सुकुलले चिनाएको छ । पुर्खौंदेखि गद््््््््््््र््ैै आएको काम हालसम्म  कायम नै छ । यस गा.वि.स. समय–समयमा विभिन्न तीन नामले चिनिंदै आइरहेको छ । जुन हो – थसि, सानागाउँ र सिद्धिपर ।